BAYAD

I just want to share something that I'm holding for so long.

I was in grade 9 when this happened. Lumaki ako sa lolo't lola ko, produkto kasi ako ng broken family. Walang ina at walang ama.

Madaling araw nun ng atakihin sa puso ang lolo ko. Wala kaming matakbuhan nun ng isugod siya sa ospital mabuti na lang ay mayroon silang kaibigan na matandang lalaki na gumawa ng paraan para mabigyan ng gamot ang lolo ko. Unang nagbantay doon ang lola ko dahil siya ang kasama ni lolo ng isugod to sa ospital ngunit dahil kailangan ng pera para maibayad sa pagamutan ay ako na ang inutusan na magbantay. Sinundo ako ng matandang lalaki gamit ang motor niya at ipinilit na sa katawan niya ako yumakap kahit sanay naman akong sa likod ng motor humahawak ngunit dahil binilisan niya ay wala akong nagawa lapat na lapat ang katawan ko sa likod niya. Habang binabaybay namin ang kalsada papunta sa ospital ay inaya niya akong kumain kahit na madaling araw na nun, tumanggi ako ngunit siya ang nagpapaandar ng motor. Ilang ulit akong tumanggi hanggang sa makalayo na kami ngunit dahil tumataas na ang boses ko ay nagmaniobra siya pabalik sa daan papuntang ospital.

Nang makarating kami sa ospital ay walang pasabing bumaba ako ng motor niya at agad na tumakbo papunta sa lolo ko. Takot ako nun. Wala akong mapagsabihan. Pumasok siya at sumunod sa akin nun. Tinignan niya ang lolo ko at kinausap ang doctor habang ako nakaupo lang sa gilid.

Binigyan niya ako ng makakain at iniwan ako sa ospital. Nakahinga ako ng maluwag nun. Ngunit wala pang isang oras ng bumalik siya at dinala ako sa madilim na parte ng ospital, sinubukan niya akong halikan nun ngunit pinigilan ko siya kaya naman sa pisngi lang dumampi ang labi niya. Pagkatapos nun ay niyakap niya ako ng mahigpit. Mabuti na lang at may dumaan na doctor kaya naman binitawan niya na ako. At pagkatapos ay inabutan ako ng limang daan at umalis na.

Yung limang daan na binigay niya ay inabot ko na lang sa lola ko pangdagdag sa pambayad at yung pagkaing binigay niya ay ibinigay ko sa isang pulubi.

Totoo nga, kapag andun ka na sa sitwasyon na yun ay mawawalan ka na ng boses. Isang bangungot.

Hiningi niya ang phone number ko at ang ibinigay ko ay ang sa lola ko. Gusto ko mang hindi magbigay ng kahit anong numero ay wala akong magawa dahil sa UTANG NA LOOB. Kung hindi dahil sa kanya ay hindi madudugtungan ang buhay ng lolo ko.

Simula ng araw na yun ay nawalan na ako ng pake sa mga pambabastos na nararanasan ko sa daan o kahit sa eskwelahan. Immuned na ata ako at lahat na ng kamay nila at mata ay may bakas na sa katawan ko.

Girls, kung maaari iwasan niyo yung mga taong akala niyo mapagkakatiwalaan. Piliin niyo sila o kung maaari ay wag kayong magtitiwala.

Minsan talaga kung sino pa yung marami ng sakit na pinagdaanan, siya pa yung lalo pang ilulugmok ng mga pangyayari.

ABUSED

201*

UNKNOWN

UNKNOWN